काठमाडौं । नेको इन्स्योरेन्सले हाल कायम चुक्ता पूँजीको २५ प्रतिशत हकप्रद सेयर बिक्री गर्न अनुमति पाएको छ । नेपाल बीमा प्राधिकरणले नेकोलाई २५ प्रतिशत हकप्रद सेयर निष्काशन गर्न सैद्धान्तिक स्वीकृति दिएको हो ।
कम्पनी सञ्चालक समितिको भदौ ३१ गते बसेको बैठकले उक्त हकप्रद प्रस्ताव पारित गर्न कम्पनीले असोज १९ गते विशेष साधारण सभा पनि बोलाएको छ । नेकोको विशेष साधारण सभा लिसारा रिसेप्सन, नक्साल काठमाडौंमा बिहान ११ बजे बस्नेछ ।
उक्त प्रस्ताव विशेष सभाबाट प्रस्ताव पारित भएपछि हकप्रद निष्काशनका लागि कम्पनीले नेपाल धितोपत्र बोर्डबाट स्वीकृति लिनुपर्छ ।
नेकोको हाल चुक्ता पूँजी २ अर्ब १ करोड रुपैयाँ रहेको भने २५ प्रतिशत हकप्रद निष्काशनपछि २ अर्ब ५१ करोड रुपैयाँ पुग्नेछ ।
