काठमाडौं । माछापुच्छ्रे बैंकले गत आर्थिक वर्ष २०७९/८० को मुनाफाबाट घोषणा गरेको लाभांश पारित गर्न साधरण सभा बोलाएको छ ।
बैंकले असोज १८ गते २५ औं वार्षिक साधरण सभा बोलाएको हो । बैंकको सभा होटल पोखरा ग्राण्ड, पार्दी, पोखरामा बिहान ११ बजे सुरु हुनेछ ।
बैंकले सभामा गत वर्षको नाफाबाट घोषणा गरेको १४ प्रतिशत (१३.३% बोनस सेयर र कर तिर्न ०.७% नगद) लाभांश पारित गर्ने प्रस्ताव एजेन्डा लैजाने भएको छ । प्रस्तावित लाभांश बैंकको सो सभाले पारित गरेपछि सेयरधनीले पाउने छन् ।
बैंकले साधरण सभा तथा लाभांश प्रयोजनका लागि असोज ८ गते बुकक्लोज मिति तोकेको छ । सो अनुसार असोज ७ गतेसम्म कायम सेयरधनीले मात्र लाभांश पाउने छन् ।
हाल १० अर्ब २५ करोड रुपैयाँ चुक्ता पूँजी रहेको बैंकको बोनस वितरणपछि ११ अर्ब ६१ करोड रुपैयाँ पुग्नेछ ।
