काठमाडौं । नेपालका लागि सुजुकी कारको आधिकारिक बिक्रेता तथा सीजी होल्डिंग्ज्को अटोमोटिभ डिभिजन सीजी मोटोकर्पले ‘सुजुकी पर्वोत्सव अफर’ सार्वजनिक गरेको थियो । कम्पनीले यस दशैं तिहार जस्ता चाडपर्वलाई लक्षित गर्दै यो अफर ल्याएको हो ।
यस अफर अन्तर्गत ग्राहकले सुजुकीको कुनै पनि गाडी खरिदमा १ लाख रुपैयाँ नगद छुट, १ वर्षको सवारी बीमा र १ लाख रुपैयाँसम्मको एक्सचेन्ज बोनस पाउन सक्नेछन् ।
साथै, कम्पनीले आजदेखि सुरू भएको नाडा अटो शोलाई लक्षित गरी ग्राहकलाई स्क्र्याच कार्डमार्फत थप १ लाख रुपैयाँसम्मको छुट दिने भएको छ ।
सुजुकीका विभिन्न मोडेलहरूका कारहरू बमोजिम फरक फरक हिसाबका छुटहरू लागू हुने छन् । नाडा अटो शोमा सुजुकीका नयाँ एसयूभीहरू जिम्नी, फ्रोन्क्सको साथै सुजुकीका अरु एसयुभी ग्रान्ड भितारा र नया ब्रेजा डिस्प्लेमा हुने कम्पनीले जनाएको छ ।
यो योजना नेपालभर रहेका सुजुकी गाडीका ३५ वटै सोरूमहरूमा लागू हुनेछ । यो योजना सीमित अवधिका लागि मात्र लागू हुने कम्पनीले जनाएको छ ।
