काठमाडौं । खानीखोला हाइड्रोपावर कम्पनी लिमिटेडहाल कायम चुक्ता पूँजीको शतप्रतिशत अर्थात् १:१ अनुपातमा हकप्रद सेयर निष्काशन गर्ने भएको छ ।
कम्पनी संचालक समितिको भदौ २४ गते बसेको बैठकले १०० प्रतिशत हकप्रद सेयर निष्काशन गर्ने निर्णय गरेको हो ।
कम्पनीले प्रतिकित्ता १०० रुपैयाँ दरले ४६ करोड ५७ लाख १४ हजार ३०० रुपैयाँ बराबरको ४६ लाख ५७ हजार १४३ कित्ता हकप्रद निष्काशन गर्न प्रस्ताव गरेको हो ।
कम्पनीले बैंक ऋण भुक्तानी गर्नका लागि हकप्रद सेयर निष्काशन गर्न लागेको जनाएको छ । प्रस्तावित हकप्रद सेयर विद्युत नियमन आयोगबाट सहमति लिई आगामी वार्षिक साधारण सभाले पारित गरेपछि प्रक्रिया अघि बढ्ने छ ।
हाल कम्पनीको चुक्ता पूँजी ४६ करोड ५७ लाख १४ हजार ३०० रुपैयाँ रहेको छ भने हकप्रद निष्काशनपछि ९३ करोड १४ लाख २८ हजार ६०० रुपैयाँ पुग्ने छ ।
