काठमाडौं । नेपाल वायु सेवा निगमले साउदी अरेबीयाको दमाममा सिधा हवाई उडान सुरु गरेको छ । निगमले बुधबारदेखि काठमाडौंबाट साउदीको दमाममा सिधा उडान सुरु गरेको हो ।

पहिलो उडानमा १२६ जना यात्रु रहेको र फर्किदा ११७ यात्रु रहेको एयरलाइन्सले जनाएको छ । काठमाडौं–दमाम–काठमाडौं सेक्टरमा निगमले हप्ताको दुईदिन बुधबार र शनिबार उडान गर्ने भएको छ ।

बजारको माग र निगमको बजार व्यावस्थापन अनुसार उडानको संख्या बढाउँदै लैजाने योजना रहेको कम्पनीका प्रवक्ता रमेश पौडेलले जानकारी दिए ।