काठमाडौं । ङादी ग्रुप पावर लिमिटेडले हकप्रद सेयर जारी गर्न अनुमति पाएको छ । विद्युत् नियमन आयोगको कम्पनीलाई १:१ अनुपात अर्थात् हाल कायम चुक्ता पूँजीको १०० प्रतिशत हकप्रद सेयर निष्काशन गर्न भदौ ८ गते स्वीकृति दिएको हो ।
ङादीले प्रतिकित्ता १०० रुपैयाँ दरले १ अर्ब ८५ करोड १२ लाख ७९ हजार रुपैयाँ बराबरको १ करोड ८५ लाख १२ हजार ७९० कित्ता सेयर जारी गर्ने भएको हो । हकप्रदपछि कम्पनीको चुक्ता पूँजी ३ अर्ब ७० करोड रुपैयाँ पुग्नेछ ।
अब कम्पनीले हकप्रद जारी गर्न नेपाल धितोपत्र बोर्डबाट अनुमति पाउनुपर्नेछ ।
