काठमाडौं । सेयर बजारमा दोहोरो अंकको गिरावट आएको छ । गत साता ३२ अंकले घटेको नेप्से यस साता पहिलो दिनमै दोहोरो अंकले घटेको छ ।
आइतबार नेप्से परिसूचक २१.९९ अंकले घटेर २०११.१४ विन्दुमा आइपुगेको छ । यसदिन २६९ कम्पनीको १ अर्ब ४४ करोड रुपैयाँ बराबरको ४४ लाख ५९ हजार ४५९ कित्ता सेयर किनबेच भएको छ ।
आज कारोबारमा आएका १३ वटै उपसमूहको परिसूचक राताम्मे भएको छ । हाइड्रोपावर उपसमूहको परिसूचक सबैभन्दा धेरै २.५४ प्रतिशतले घटेको छ ।
आज आइएमई लाइफको सर्वाधिक कारोबार भएको छ । यसको साढे ६ करोड रुपैयाँ बढीको सेयर किनबेच भएको छ ।
उच्च अंकले घटेको बजारमा आज अप्पर स्याङ्गे हाइड्रोपावरका सेयरधनीले सर्वाधिक ९.०२ प्रतिशत गुमाएका छन् ।
