काठमाडौं । काठमाडौंको त्रिभुवन अन्तर्राष्ट्रिय विमानस्थलबाट भारतको नयाँ दिल्ली उड्न लागेको एयर इन्डियाको जहाज धावनमार्गमै अड्किएको छ ।
सो विमानको ल्यान्डिङको गियरको पाङ्ग्रा जाम (ह्वीललक) भएपछि साे विमानस्थलबाट हुने उडान र अवतरण प्रभावित बनेको हो ।
त्रिभुवन विमानस्थल कार्यालयका अनुसार सो जहाजकै कारण दिउँसो ४:२० देखि ५ बजेसम्म धावनमार्ग बन्द गरिएको थियो । जस कारण विमानस्थलमा अवतरणका लागि विभिन्न गन्तव्यबाट आएका आधादर्जन जहाज काठमाडौंको आकाशमा होल्ड भएका छन् ।
अपराह्न सवा ५ बजेपछि उक्त जहाजलाई धावनमार्गबाट पार्किङमा लगिएकाले उडान अवतरण सुरु भएको विमानस्थल कार्यालयले जनाएको छ ।
