काठमाडौं । वैदेशिक रोजगारीमा रहेकाहरुको लागि प्रिमियम मूल्यमा प्राथमिक साधरण सेयर (आइपीओ) निष्कासन गरेको सन नेपाल लाइफ इन्स्योरेन्सले अर्को साता बाँडफाँड गर्ने भएको छ ।
कम्पनीको बिक्री प्रबन्धक नेपाल एसबीआई मर्चेन्ट बैंकले आइपीओ बाँफाँडको तयारी गरेको हो । कम्पनीले पहिलो चरणमा साउन १ देखि १५ सम्म कम्पनीले वैदेशिक रोजगारीमा रहेका नेपालीका लागि प्रतिकित्ता २३९ रुपैयाँ (अंकित मूल्य १०० मा १३९ रुपैयाँ प्रिमियम थपेर) दरले ९ लाख ६० हजार कित्ता सेयर बिक्रीमा ल्याएको थियो ।
कम्पनीले माग गरेको आइपीओमा २८ हजार ७४१ जनाले आवेदक ४३ करोड ४३ लाख ७० हजार ५५० रुपैयाँ बराबरको १८ लाख १७ हजार ४५० कित्ताका लागि आवेदन दिएका छन् ।
आइपीओ निष्काशनको लागि गराइएको रेटिङमा केयर रेटिङ नेपालले इन्स्योरेन्सलाई ‘केयरएनपी त्रिपल बी इस्यूअर’ रेटिङ दिएको छ । यसले कम्पनीको दायित्व बहन गर्ने क्षमतामा मध्यमस्तरको सुरक्षीत रहेको जनाउँदछ ।
