काठमाडौं । सरकारले धानको समर्थन मूल्य तोकेको छ । असार २६ गते बसेको मन्त्रिपरिषद् बैठकले गत वर्षको तुलनामा भाउ बढाएर धानको समर्थन मूल्य तोकेको हो ।
सरकारको प्रवक्ता समेत रहेकी सञ्चार तथा सूचना प्रविधिमन्त्री रेखा शर्माले मोटा धानको प्रतिक्वीन्टल ३ हजार १९८ रुपैयाँ र मध्य धानको प्रतिक्वीन्टल ३ हजार ३६२ प्रतिक्विन्टल समर्थन मूल्य तोकेको जानकारी दिइन् ।
गत वर्षको तुलनामा सरकारले यस वर्ष धानको समर्थन मूल्य मोटा धान प्रतिक्विन्टलमा ३३० रुपैयाँ र मध्यम धानको मूल्य २३४ रुपैयाँले बढेको छ ।
गत वर्ष सरकारले मोटा धान प्रतिक्वीन्टल २ हजार ९६७ र मध्यम धानको प्रतिक्वीन्टल मूल्य ३ हजार १२८ रुपैयाँ तोकेको थियो ।
सरकारले तोकेको मूल्यअनुसार खाद्य व्यवस्था तथा व्यापार कम्पनीले विभिन्न जिल्लामा धान खरिद गर्ने छ ।
