काठमाडौं । बुधबार सेयर बजारमा दोहोरो अंकले गिरावट आएको छ । पछिल्ला केही दिनदेखि लगातार बढिरहेको बजारमा यस दिन भने ब्रेक लागेको हो ।
आज नेप्से परिसूचक ३९.२६ अंकले घटेर २०४९.४४ को विन्दुमा झरेको छ । यस दिन कारोबारमा आएका २७७ कम्पनी मध्ये २०८ को मूल्यमा गिरावट आएको छ भने १४ कम्पनीको सेयर मूल्य बढेको छ ।
बुधबार ३ अर्ब रुपैयाँ बढी बराबरको ८० लाख ९२ हजार कित्ता सेयर किनबेच भएको नेप्सेले जनाएको छ । यस दिन सबैभन्दा धेरै शिवम् सिमेन्टको १६ करोड रुपैयाँ बढीको सेयर किनबेच भएको छ । हिमालयन लाइफ इन्स्योरेन्स १३ करोड, सोल्टी होटलको ९ करोड रुपैयाँ बढीको कारोबार सहित शीर्ष तीनमा रहे ।
दोहोरो अंकले घटेको बजारमा पनि दुई कम्पनीको सेयर मूल्यमा भने सकारात्मक सर्किट लागेको छ । यसदिन सिटी होटल र रवा इनर्जि डेभलपमेन्टका लगानीकर्ताले ९ प्रतिशत बढीले कमाएका छन् ।
आज सबैभन्दा धेरै गुमाउनेमा बीपी डब्लू लघुवित्त वित्तीय संस्था, र मोर्दि इनर्जीका लागानीकर्ताले गुमाएका छन । यी कम्पनीको सेयर मूल्यमा नकारात्मक सर्किट लागेको छ ।
यसैगरी, सिटिजन म्युचअल फन्ड र मन्दाकीनी हाइड्रोपावरका लगानीकर्ताले ७/७ प्रतिशत बढीले गुमाएका छन् ।
