काठमाडौं । विजय लघुवित्त वित्तीय संस्था र नयाँ सारथी लघुवित्त वित्तीय संस्थाले मर्जरका लागि अन्तिम स्वीकृति पाएका छन् ।
नेपाल राष्ट्र बैंकले दुई लघुवित्त मर्ज हुन असार १५ गते अन्तिम स्वीकृति दिएको हो । मर्जरपछि दुवै लघुवित्तले ‘विजय लघुवित्त वित्तीय संस्था’को नामबाट एकीकृत कारोबार सुरु गर्नेछन् ।
दुवै लघुवित्त समान हैसियत अर्थात् १ः१ सेयर अनुपातमा मर्ज हुने भएका हुन् । गत मंसिर २६ गते मर्जर सम्बन्धी प्रारम्भिक सम्झौता गरेका दुई लघुवित्तले वैशाख ३० गते अन्तिम सम्झौतामा हस्ताक्षर गरेका थिए ।
हाल विजय लघुवित्तको चुक्रा पूँजी ३८ करोड ४० लाख रुपैयाँ छ भने नयाँ सारथीको ३६ करोड १० लाख रुपैयाँ छ । मर्जरपछि नयाँ कम्पनीको एकीकृत चुक्ता पूँजी ७४ करोड ५० लाख रुपैयाँ पुग्ने छ ।
