काठमाडौं । अप्पर स्याङ्गे हाइड्रोपावर लिमिटेडको प्राथमिक साधरण सेयर (आपीओ)मा आवेदन दिने आज अन्तिम दिन रहेको छ ।
कम्पनीले सर्वसाधारणका लागि असार १० गतेदेखि बिक्रीमा ल्याएको प्रतिकित्ता १०० रुपैयाँ दरले ५ करोड ३९ लाख ५० हजार रुपैयाँ बराबरको ५ लाख ३९ हजार ५०० कित्ता सेयरमा आवेदन दिने आज अन्तिम दिन हो ।
सो आइपीओमा लगानीकर्ताले न्यूनतम १० कित्तादेखि अधिकतम १ लाख कित्ताका लागि आवेदन दिन सक्नेछन् ।
लगानीकर्ताले नेपाल धितोपत्र बोर्डबाट सी आस्बा अनुमति पाएका सबै बैंक तथा वित्तीय संस्था, तिनका शाखा कार्यालयहरु र मेरोसेयर मार्फत अनलाइन् आवेदन दिन सकिने छ ।
कम्पनीको सेयर निष्काशन तथा बिक्री प्रबन्धक सिद्धार्थ क्यापिटल लिमिटेड रहेको छ । कम्पनीको आइपीओलाई केयर रेटिङ नेपालले ‘केयर एनपी डबल बी इस्यूअर रेटिङ’ दिएको छ । यसले कम्पनीको दायित्व बहन गर्ने क्षमतामा औषत जोखिम रहेको जनाउँद छ ।
कम्पनीले निर्माण गरीरहेको २.४ मेगावाटको माथिल्लो स्याङ्गे खोला साना जलविद्युत आयोजनाको कुल अनुमानित लागत ५० करोड ४८ लाख रुपैयाँ रहेको छ भने प्रतिमेगावाट कुल अनुमानित लागत २१ करोड ३ लाख रुपैयाँ रहेको छ।
कतिले भरे ?
कम्पनीको आइपीओमा ३ दिनमै झन्डै गुणा बढी आवेदन परेको छ । सीडीएस एण्ड क्लियरिङका अनुसार मंगलबार (अपराह्न ५ बजेसम्म) कम्पनीको आइपीओमा ९ लाख ६ हजार १०८ जनाले ९९ लाख ४५ हजार ६६० कित्ताका लागि आवेदन दिएका छन् ।
उनीहरुले ९९ करोड ४५ लाख रुपैयाँ बढीको आवेदन गरेका हुन् ।
