काठमाडौं । नेपाल स्टक एक्स्चेन्ज (नेप्से)मा थप दुई लघुवित्त संस्थाको बोनस सेयर सूचीकृत भएको छ ।
नेप्सेमा मंगलबार महुली लघुवित्त वित्तीय संस्था र समता घरेलु लघुवित्त वित्तीय संस्थाको बोनस सेयर सूचीकृत भएको हो ।
दुवै लघुवित्तले गत आर्थिक वर्ष २०७८/७९ को मुनाफाबाट वितरण गरेको लाभांश सूचीकृत गरेका हुन् ।
नेप्सेमा महुली लघुवित्तको १४.२५ प्रतिशत अर्थात् ४ लाख २ हजार ९१.४५ कित्ता बोनस सेयर सूचीकृत भएको छ ।
त्यसैगरी, समता घरेलुको १५ प्रतिशत अर्थात् ५ लाख १४ हजार ११६.२९ कित्ता बोनस सेयर सूचीकृत भएको हो ।
नेप्सेमा सूचीकृत दुवै कम्पनीको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
