काठमाडौं । नेपाल स्टक एक्स्चेन्ज (नेप्से)मा एशियन लाइफ इन्स्योरेन्सको बोनस सेयर सूचीकृत भएको छ ।
नेप्सेमा कम्पनीले गत आर्थिक वर्ष २०७८/७९ को मुनाफाबाट वितरण गरेको लाभांश सूचीकृत भएको हो ।
नेप्सेमा एशियनको ८.५ प्रतिशत अर्थात् २४ लाख ७१ हजार ८९४.४२ कित्ता बोनस सेयर सूचीकृत भएको छ ।
सूचीकृत बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
