काठमाडौं । नेपाल स्टक एक्स्चेन्ज (नेप्से)मा थप तीन लघुवित्त संस्थाको बोनस सेयर सूचीकृत भएको छ ।
नेप्सेमा आइतबार साना किसान लघुवित्त, नयाँ सारथी लघुवित्त र उपकार लघुवित्तको बोनस सेयर सूचीकृत भएको हो ।
तीनै लघुवित्तले गत आर्थिक वर्ष २०७८/७९ को मुनाफाबाट वितरण गरेको लाभांश सूचीकृत गरेका हुन् ।
नेप्सेमा साना किसानको २६ प्रतिशत अर्थात् ४० लाख ६७ हजार ४७५.६९ कित्ता बोनस सेयर सूचीकृत भएको छ ।
त्यसैगरी, नयाँ सारथी लघुवित्तको १९ प्रतिशत (५ लाख ७६ हजार ४५०.९९ कित्ता) र उपकार लघुवित्तको ६१.७५ प्रतिशत (४ लाख ५ हजार २३२ कित्ता)बोनस सेयर सूचीकृत भएको हो ।
नेप्सेमा सूचीकृत तीनै लघुवित्तको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
