काठमाडौं । आशा लघुवित्त वित्तीय संस्था र राष्ट्र उत्थान लघुवित्त बीच मर्जर सम्बन्धी अन्तिम सम्झौता भएको छ । दुई लघुवित्त बीच जेठ २६ गते प्राप्ति सम्बनधी अन्तिम सम्झैता भएको हो ।
सम्पत्ति तथा दायित्व मूल्यांकन (डीडीए) प्रतिवेदन अनुसार दुई लघुवित्त समान हैसियतमा गाभिन लागेको हुन् । अर्थात् आशाले राष्ट्र उत्थानलाई १:१ सेयर अनुपातमा गाभ्ने भएको हो ।
नुवाकोटमा केन्द्रीय कार्यालय रहेको आशा लघुवित्तले बनेपाको राष्ट्र उत्थानलाई गाभ्न नेपाल राष्ट्र बैंकले जेठ २३ गते सैद्धान्तिक सहमति दिइसकेको छ ।
हाल आशा लघुवित्तको चुक्ता पूँजी ३८ करोड १६ लाख छ भने राष्ट्र उत्थान लघुवित्तको २६ करोड चुक्ता पूँजी छ । मर्जरपछि बन्ने लघुवित्तको चुक्तापूँजी ६४ करोड १६ लाख रुपैयाँ पुग्नेछ ।
