काठमाडौं । सरकारले नेपालमा उपभोग हुने ३ प्रकारका वस्तुमा विलासी कर लगाउने भएको छ ।
सरकारले आगामी आर्थिक वर्ष २०८०/८१ को बजेट कार्यान्वयन गर्न जारी गरेको आर्थिक विधेयकमा आयातित मदिरा, पाँचतारे वा सोभन्दा माथिको होटलको रिसोर्टको सेवा र १० लाख माथिको गरगहना खरिदमा विलासी कर लाग्ने व्यवस्था गरेको हो ।
आर्थिक ऐनको दफा २१ मा विलासीकर सम्बन्धी व्यवस्था गरिएको छ । जसमा पाँच तारे र सोभन्दा माथिका तारे होटल तथा लक्जरी रिसोर्टको सेवा, आयातित मदिरा र १० लाख रूपैयाँभन्दा बढी मूल्यका हिरा, मोती, पत्थर जडित सुन वा बहुमूल्य धातुका गरगहना खरिद गर्दा खरिद रकममा २ प्रतिशत विलासी कर लाग्ने व्यवस्था गरिएको छ ।
