काठमाडौं । आजदेखि कुमारी बैंकको झन्डै १५ लाख कित्ता संस्थापक समूहको (प्रमोटर) सेयर लिलामीमा आउन भएको छ । बैंकले विद्यमान सेयरधनीको नाममा रहेको १४ लाख ८३ हजार ३७८ कित्ता सेयर लिलामीमा ल्याएको हो ।
बैंकको यो लिलामी सेयरमा विद्यमान संस्थापक सेयरधनीका साथै जो अन्य व्यक्ति वा कम्पनीले आवेदन दिन सक्नेछन् ।
उक्त सेयर किन्न इच्छुक लगानीकर्ताले न्यूनतम मूल्य प्रतिकित्ता ११० रुपैयाँ नघटाई आफूले लिन चाहेको सेयर संख्य मूल्य तोकी गोप्य शिलबन्दी मार्फत आवेदन दिनु पर्नेछ ।
लगानीकर्ताले न्यूनतम १ हजार कित्तादेखि अधिकतम सबै कित्ताका लागि आवेदन दिन सक्नेछन् । उक्त लिलामी सेयरमा जेठ १९ गतेसम्म बोलपत्र पेश गर्न सक्नेछन् ।
लगानीकर्ताले बोलपत्र फारम सनराइज क्यापिटलमा पुग्ने गरी बुझाउनुपर्ने छ ।
