काठमाडौं । नेशनल लाइफ इन्स्योरेन्सले गत आर्थिक वर्ष २०७८/७९ को मुनाफाबाट घोषणा गरेको लाभांश सुरक्षित गर्ने आज अन्तिम दिन रहेको छ ।
कम्पनीले साधरण सभा प्रयोजनका लागि भोलि (जेठ ११ गते) गते बुकक्लोज तोकेको छ । सो अनुसार आजसम्म कायम रहने सेयरधनीले मात्र कम्पनीको लाभांश पाउने छन् ।
नेशनलले गत आवको मुनाफाबाट ८ प्रतिशत बोनस सेयर र कर प्रयोजनसहित ६.५ प्रतिशत नगद गरी कुल १४.५ प्रतिशत लाभांश प्रस्ताव गरेको छ ।
कम्पनीले सो लाभांश पारित गर्न जेठ २२ गते ३५ औं वार्षिक साधारण सभा बोलाएको छ। कम्पनीको सभा केन्द्रीय कार्यालय, लाजिम्पाटमा बस्नेछ । सो सभाले पारित गरेपछि सेयरधनीले उक्त लाभांश पाउने छन् ।
