काठमाडौं । नेपाल स्टक एक्स्चेन्ज (नेप्से)मा सानिमा रिलायन्स लाइफ इन्स्योरेन्सको सेयर सूचीकृत भएको छ ।
बिहीबार नेप्सेमा साविकको सानिमा लाइफ इन्स्यारेन्स र रिलायन्स लाइफ इन्स्योरेन्स मर्ज भई बनेको नयाँ कम्पनी ‘सानिमा रिलायन्स लाइफ’को सेयर सूचीकृत भएको हो ।
साविकको सानिमा लाइफ र रिलायन्स लाइफ मर्ज हुँदा कायम भएको १ः१ सेयर अनुपातका आधारमा सानिमा रिलायन्स लाइफको ४ करोड १८ लाख ४० हजार कित्ता सेयर सूचीकृत भएको छ ।
कम्पनीको सेयर कारोबारका लागि नेप्सेले ३९१.८८ रुपैयाँ ओपन रेन्ज तोकेको छ । अब यही मूल्यका आधारमा आइतबार कम्पनीको सेयर कारोबार खुल्नेछ । इन्स्योरेन्सको सेयर कारोबारका लागि नेप्सले SRLI संकेत चिह्न दिएको छ ।
