काठमाडौं । नेपाल स्टक एक्स्चेन्ज (नेप्से)मा थप चार कम्पनीको बोनस सेयर सूचीकृत भएको छ ।
नेप्सेमा सोमबार कृषि विकास बैंक, साल्ट ट्रेडिङ कर्पोरेशन, स्वाभिमान लघुवित्त र मिर्मिरे लघुवित्तको बोनस सेयर सूचीकृत भएको हो ।
यी सबै कम्पनीले गत आर्थिक वर्ष २०७८/७९ को मुनाफाबाट वितरण गरेको लाभांश सूचीकृत गरेका हुन् ।
नेप्सेमा कृषि विकास बैंकको (२ प्रतिशत अर्थात् २६ लाख ३७ हजार ५८३.१८ कित्ता, साल्ट ट्रेडिङको १० प्रतिशत अर्थात् २ लाख ५३ हजार ५३१.१९ कित्ता सेयर सूचीकृत भएको हो ।
त्यसैगरी, स्वाभिमान लघुवित्तको २० प्रतिशत अर्थात् २ लाख ४३ हजार ५६४.३० कित्ता र मिर्मिरे लघुवित्तको २३ प्रतिशत अर्थात् १२ लाख २१ हजार ७७२.३९ कित्ता बोनस सेयर सूचीकृत भएको हो ।
नेप्सेमा सूचीकृत चारै कम्पनीको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
