काठमाडौं । चालु आर्थिक वर्षमा नेपालको आर्थिक वृद्धिदर २. १६ प्रतिशतमा सिमित रहने अनुमान गरिएको छ । मंगलबार तथ्यांक कार्यालयले यस वर्षको आर्थिक वृद्धिदर २.८६ प्रतिशतमा सीमित रहने प्रक्षेपण गरेको हो ।
सरकारले चालु वर्षमा ८ प्रतिशत आर्थिक वृद्धि हासिल गर्ने घोषणा गरेको थियो । तर, अर्थतन्त्रमा आएको संकुचनले लक्ष्य पुरा गर्न नसकिने यसअघि नै राष्ट्रिय योजना आयोग, अन्तर्राष्ट्रिय मुद्राकोष, एडीबी र विश्व बैंक जस्ता संस्थाहरुले बताएका थिए ।
एसियाली विकास बैंक र विश्व बैंकले सन् २०२२/२३ का लागि नेपालको आर्थिक वृद्धिदर ४.१ प्रतिशत हुने प्रक्षेपण गरेका थिए । यो वर्ष उपभोक्ता मूल्यमा १.८६ प्रतिशत आर्थिक वृद्धि रहने कार्यालको प्रक्षेपण छ । अर्थतन्त्रको आकार आर्थिक वर्ष २०७९/८० मा ५३ खर्ब ८१ अर्ब पुग्ने जनाएको छ ।
नेपालको आर्थिक वृद्धिदर २०७६र७७ मा २.४ प्रतिशतले ऋणात्मक भएको थियो । आर्थिक वर्ष २०७७र७८ मा ४.५ प्रतिशतको आर्थिक वृद्धिदर हासिल भएकोमा गत आर्थिक वर्ष २०७८र७९ मा ५.३ प्रतिशत आर्थिक वृद्धि भएको थियो ।
