काठमाडौं । सेयर बजारमा गिरावट आएको छ । बुधबार १३ अंकले घटेको नेप्से आज झिनो अंकले घटेको हो ।
सूचकसँगै आज कारोबार रकममा पनि गिरावट आएको छ । अघिल्लो दिनको तुलनामा कारोबार रकम १० करोडले घटेर ७३ करोड रुपैयाँमा सीमित भएको छ ।
बिहीबार सेयर बजार मापक सूचक नेप्से १३.६८ अंकले घटेर १८८९.७३ बिन्दुमा आइपुगेको छ । यसदिन २६९ कम्पनीको २१ लाख ७४ हजार ९१४ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये बैंकिङ र होटल बाहेक अरु सबै उपसमूहको परिसूचक राताम्मे भएको छ । उत्पादनमूलक समूहको परिसूचक सबैभन्दा धेरै १.२८ प्रतिशतले घटेको छ ।
आज एभरेष्ट बैंकको सर्वाधिक कारोबार भएको छ । यसको सबैभन्दा धेरै पौने ४ करोड रुपैयाँ बढीको सेयर किनबेच भएको छ । त्यस्तै, नबिल बैंक सवा ३ करोड र शिवम् सिमेन्ट ३ करोड बढीको कारोबार हुँदै शीर्ष तीनमा रहे ।
झिनो अंकले घटेको बजारमा एनआइबीएल ग्रोथ फण्ड र एनएमबी बैंकको डिबेन्चरधनीले करिब १० प्रतिशत गुमाएका छन् ।
