काठमाडौं । मोदी इनर्जी लिमिटेडले वैशाख १९ गतेदेखि प्राथमिक साधरण सेयर (आइपीओ) निष्काशन गर्ने भएको छ ।
कम्पनीले सर्वसाधरणका लागि ५९ करोड ९५ लाख ४२ हजार रुपैयाँ बराबरको ५९ लाख ९५ हजार ४२० कित्ता सेयर विक्रीमा ल्याउन लागेको हो ।
कम्पनीको आइपीओमा लगानीकर्ताले न्यूनतम १० कित्तादेखि अधिकतममा १ लाख कित्ताका लागि आवेदन दिन सक्नेछन्। । लगानीकर्ताले उक्त आइपीओमा वैशाख २४ गतेसम्म आवेदन दिन पाउने छन् । सो अवधिमा सबै सेयर विक्री नभएमा ढिलामा जेठ २ गतेसम्म आवेदन दिन पाउने छन् ।
लगानीकर्ताले नेपाल धितोपत्र बोर्डबाट सी आस्बा अनुमति प्राप्त बैंक तथा वित्तीय संस्था, तिनका शाखा कार्यालयहरुका साथै मेरो सेयर मार्फत आवेदन दिन सक्नेछन् ।
कम्पनीको सेयर निष्काशन तथा विक्री प्रबन्धक सनराइज क्यापिटल लिमिटेड रहेको छ। आइपीओ निष्काशनको लागि गराइएको रेटिङमा इन्फोमेरिक्स क्रेडिट रेटिङ नेपालले कम्पनीलाई ‘आइआरएन डबल बी प्लस इस्यूअर’ रेटिङ दिएके छ । यसले कम्पनीको दायित्व बहन गर्ने क्षमतामा मध्यम जोखिम रहेको संकेत गर्दछ।
कम्पनीले हाल २० मेगावाटको तल्लो मोदी खोला जलविद्युत् आयोजनाको संचालन गरिरहेको छ । जसको कुल लागत ६ अर्ब २० करोड रुपैयाँ र प्रतिमेगावाट लागत ३१ करोड ३ लाख रुपैयाँ रहेको छ। कम्पनीले सो आयोजनाबाट २०७८ असोज १४ गतेदेखि व्यवसायिक उत्पादन सुरु गरिसकेको छ।
