काठमाडौं । आइएमई ग्रुप अन्तर्गत आइएमई डिजिटल सोलुसन लिमिटेडको ‘आइएमई पे’वालेट मार्फत ४ एयरलाइन्स कम्पनीको टिकट काट्न मिल्ने भएको छ ।
आइएमई पेले आफ्नो एपमा रिफन्डेबल एयरलाइन्स टिकट फिचर थप्दै यस्तो सुविधा दिएको हो ।
ग्राहकले अब आइएमई पेबाट आन्तरिक उडानको रिफन्डेबल टिकट काट्न सक्ने भएका हुन् । ग्राहकले आइएमई पेमार्फत अब श्री एयरलाइन्स, सौर्य एयरलाइन्स, बुद्ध एयरलाइन्स र यती एयरलाइन्सको टिकट सजिलै रिफन्डेबल टिकटमा रूपान्तरण गर्न सक्ने छन् ।
यस्तै, ग्राहकले आइएमई पेबाट यी एयरलाइन्सको टिकट काट्दा उच्चतम क्यासब्याकका साथै हवाई टिकट समेत पाउने छन् । साथै, रिफन्डेबल टिकटको फिचर प्रयोग गरी अत्यावश्यक समयमा टिकटको सबै शुल्क रिफन्ड पनि पाउने छन् ।
