काठमाडौं । नेशनल माइक्रोफाइनान्स लघुवित्त वित्तीय संस्थाले गत आर्थिक वर्ष २०७८/७९ को मुनाफाबाट घोषणा गरेको लाभांश पारित गर्न साधरण सभा बोलाएको छ ।
कम्पनीले वैशाख १५ गते नवौं वार्षिक साधरण सभा बोलाएको हो । लघुवित्तको सभा धादिङ क्रिक रिसोर्ट, धादिङमा बस्नेछ ।
कम्पनीले सभामा गत वर्षको नाफाबाट घोषणा गरेको करसहित १५ प्रतिशत बोनस सेयर लाभांश पारित गर्ने प्रस्ताव एजेन्डा लैजाने भएको छ ।
त्यस्तै, सभामा नेशनल माइक्रोफाइनान्स र समिट लघुवित्त वित्तीय संस्था बीचको मर्जरको लागि भएको ड्यु डिलिजेन्स अडिट (डीडीए) रिपोर्ट अनुमोदन गर्ने प्रस्ताव लैजाने भएको छ ।
प्रस्तावित लाभांश कम्पनीको सो सभाले पारित गरेपछि सेयरधनीले पाउने छन् । कम्पनीले साधरण सभा प्रयोजनका लागि वैशाख ४ गतेदेखि १५ गतेसम्म बुकक्लोज मिति तोकेको छ । सो अनुसार वैशाख ३ गतेसम्म कायम सेयरधनीले मात्र लाभांश पाउने छन् ।
