काठमाडौं । एनआइसी एशिया लघुवित्त वित्तीय संस्थाले गत आर्थिक वर्ष २०७८/७९ को मुनाफाबाट घोषणा गरेको लाभांश पारित गर्न साधरण सभा बोलाएको छ ।
कम्पनीले वैशाख १० गते पाँचौं वार्षिक साधरण सभा बोलाएको हो । लघुवित्तको सभा होटल गजुर, भोटेपुल, धरानमा हुनेछ ।
कम्पनीले सभामा गत वर्षको नाफाबाट घोषणा गरेको करसहित १४.७५ प्रतिशत नगद लाभांश पारित गर्ने प्रस्ताव एजेन्डा लैजाने भएको छ ।
प्रस्तावित लाभांश कम्पनीको सो सभाले पारित गरेपछि सेयरधनीले पाउने छन् । कम्पनीले साधरण सभा प्रयोजनका लागि वैशाख १ गतेदेखि १० गतेसम्म बुकक्लोज मिति तोकेको छ । सो अनुसार चैत ३० गतेसम्म कायम सेयरधनीले मात्र लाभांश पाउने छन् ।
