काठमाडौं । गुराँस लाइफ इन्स्योरेन्सले आर्थिक वर्ष २०७७/७८ को मुनाफबाट लाभांश घोषणा गरेको छ ।
इन्स्योरेन्स संचालक समितिको चैत ९ गते बसेको बैठकले सेयरधनीलाई १३.२७ प्रतिशत बोनस सेयर लाभांश दिने घोषणा गरेको हो ।उक्त लाभांशमा लाग्ने लाभ कर भने सेयरधनी आफैंले तिर्नुपर्ने कम्पनीले जनाएको छ ।
कम्पनीले घोषणा गरेको यो लाभांश अघिल्ले आर्थिक वर्ष २०७६/७७ को तुलनामा झन्डै दोब्बर बढी हो । सो गुराँसले सेयरधनीलाई ७.८३ प्रतिशत लाभांश दिएको थियो ।
प्रस्तावित लाभांश नियामक निकाय नेपाल बीमा प्राधिकरणको स्वीकृति र इन्स्योरेन्सको आगामी साधरण सभाबाट पारित भएपछि सेयरधनीले पाउने छन् ।
