काठमाडौं । सगरमाथा इन्स्योरेन्स र लुम्बिनी जनरल इन्स्योरेन्सको सेयर कारोबार रोक्का भएको छ ।
दुई इन्स्योरेन्स एक आपसमा मर्ज भई आज (फागुन २९ गते) देखि एकीकृत कारोबार सुरु गरेसँगै नेप्सले दुवै कम्पनीको सेयर कारोबार रोक्का गरिदिएको हो ।
दुई कम्पनी मर्ज भई ‘सगरमाथा लुम्बिनी जनरल इन्स्योरेन्स’को नामबाट एकीकृत कारोबार सुरु गरेका छन् । सगरमाथा र लुम्बिनी १ः१ सेयर अनुपातमा मर्ज भएका हुन् ।
मर्जरपछि अब दुवै कम्पनीको सेयर ‘सगरमाथा लुम्बिनी जनरल इन्स्योरेन्स’को नामबाट कारोबारमा आउने छ ।
मर्जरपछि बनेको कम्पनीको एकीकृत चुक्ता पूँजी २ अर्ब ६२ करोड हुनेछ । मर्जरपछि बन्ने कम्पनीको संचालनक समितिमा दुवै कम्पनीका ३र३ संचालक रहने छन् भने एक जना स्वतन्त्र सञ्चालक रहने छन् ।
सञ्चालक समितिको अध्यक्षमा लुम्बिनी जनरल इन्स्योरेन्स कम्पनीका तर्फबाट मनोहर दास मूल र प्रमुख कार्यकारी अधिकृतमा सगरमाथाका तर्फबाट हालका प्रमुख कार्यकारी अधिकृत चंकी क्षेत्री रहनेछन् ।
