काठमाडौं । सेयर बजार दोहोरो अंकले घटेको छ । गत बिहीबार एकैदिन ५० अंकले बढेको नेप्से आज दोहोरो अंकले घटेको हो ।
आइतबार नेप्से २६.८० अंकले घटेर १९७५.८९ बिन्दुमा आइपुगेको छ । यसदिन २६० कम्पनीको १ अर्ब ६६ करोड रुपैयाँ बढीको ४७ लाख ७२ हजार १४० कित्ता सेयर किनबेच भएको छ ।
आज कारोबारमा आएका १३ वटै उपसमूहको परिसूचक राताम्मे भएको छ । बैंकिङ समूहको परिसूचक सबैभन्दा धेरै १.५९ प्रतिशतले घटेको छ ।
आज शिवम् सिमेन्टको सर्वाधिक कारोबार भएको छ । यसको पौने ८ करोड रुपैयाँ बढीको सेयर किनबेच भएको छ । त्यस्तै, हिमालयन डिस्ट्रीलरीको पौने ६ करोड र लुम्बिनी जनरल इन्स्योरेन्स ४ करोडको कारोबार हुँदै शीर्ष तीनमा रहे ।
दोहोरो अंकले घटेको बजारमा आज गुडविल फाइनान्सका डिबेन्चरधनीले सबैभन्दा धेरै ६.५५ प्रतिशत गुमाएका छन् । त्यसैगरी, हिमालयन बैंक ६.३७, नेपाल इन्स्योरेन्स, खप्तड र आदर्श लघुवित्तको सेयर मूल्य ५ प्रतिशतभन्दा धेरैले घटेको छ ।
