काठमाडौं । ठेक्का लिएर काम अलपत्र पार्ने ठेकेदार विरुद्ध आक्रमक बनेको सरकारले थप १४ वटा कम्पनीलाई कालोसूचीमा राख्ने प्रक्रिया अगाडि बढाएको छ ।
चालु आर्थिक वर्षको माघसम्म झन्डै १०० निर्माण तथा सप्लायर कम्पनीलाई कालोसूचीमा राखेको सार्वजनिक खरिद अनुगमन कार्यालयले थप १४ निर्माण तथा सप्लायर कम्पनीलाई कालोसूचीमा राख्ने प्रक्रिया अघि बढाएको हो ।
अनुगमन कार्यालयले विभिन्न कार्यालयबाट सिफारिसका आधारमा ती कम्पनीहरूलाई कालोसूचीमा राख्ने प्रक्रिया सुरू गरेको हो ।
विभिन्न १४ कम्पनीलाई कालोसूचीमा राख्नु नपर्ने कारणसहित लेखी पठाउन सूचना जारी गरे पनि लिखित स्पष्टीकरण नआएपछि अनुगमन कार्यालयले पुनः ७ दिन भित्र स्पष्टीकरण बुझाउन भनेको छ ।
ती कम्पनीले ७ दिन भित्र स्पष्टीकरण नबुझाए कालोसूचीमा राख्ने प्रक्रिया अघि बढाइने कार्यालयले जनाएको छ ।
