काठमाडौं । नेपाल स्टक एक्स्चेन्ज (नेप्से)मा मर्जरपछि बनेको नेपाल इन्भेष्टमेन्ट मेगा बैंकको सेयर सूचीकृत भएको छ । बुधबार नेप्सेमा बैंकको ३४ करोड १२ लाख ८५ हजार ९४९ कित्ता सेयर सूचीकृत भएको हो ।
साविकको मेगा बैंक र नेपाल इन्भेष्टमेन्ट बैंक मर्ज भई नेपाल इन्भेष्टमेन्ट मेगा बैंक बनेको हो । यी दुई बैंक मर्ज भई पुस २६ गतेदेखि एकीकृत कारोबार सुरू गरेका थिए ।
बैंकको सेयर कारोबारका लागि नेप्सले NIMB संकेत चिह्न दिएको छ । बैंकको सेयर कारोबारका लागि २३६.८५ रुपैयाँ ओपन रेन्ज पाएको छ । यसैका आधारमा बिहीबारदेखि कारोबार सुरू हुनेछ ।
