काठमाडौं । सिभिल बैंकको सेयर कारोबार १५ दिन रोक्का हुने भएको छ ।
सिभिलले हिमालयन बैंकसँग गाभिएर फागुन १२ गतेदेखि एकीकृत कारोबार सुरु गर्दैछ । एकीकृत कारोबारपछि सेयर मिलानका लागि फागुन १४ गतेदेखि चैत २ गतेसम्म १५ दिन सेयर कारोबार बन्द गर्न लागिएको हो ।
एकीकृत कारोबारपछि सिभिल बैंकको सेयर हिमालयन बैंकको नामबार कारोबार सुरु हुनेछ । हिमालयनले सिभिललाई १००:८०.२८ सेयर अनुपातमा गाभ्न लागेको हो ।
दुवै बैंकलाई एकीकृत कारोबार गर्न नेपाल राष्ट्र बैंक र कम्पनी रजिष्ट्रार कार्यालयले स्वीकृति दिइसकेका छन् ।
