काठमाडौं । अमेरिकाको बहुराष्ट्रिय विमान उत्पादक कम्पनी बोइङले यो वर्ष २ हजार कर्मचारी कटौती गर्ने भएको छ ।
वित्त र मानव संसाधन विभागका दुई हजार कर्मचारी कटौती गर्ने योजनामा रहेको उक्त कम्पनीले जनाएको छ ।
कुनै पनि कर्मचारीलाई उसको रोजगारी गुमेको सूचना नदिइएको तर उनीहरूलाई रोजगारीका योजना बनाउन अनुमति दिइएको कम्पनीले बताएको छ ।
‘हामीले गत वर्ष बोइङको जनशक्ति १५ हजारले बढाएका थियौँ,यो वर्ष इञ्जिनियरिङ र निर्माणमा केन्द्रित भएर थप १० हजार कर्मचारी भर्ना गर्ने योजनामा छौँ,’ कम्पनीले आज जारी गरेको विज्ञप्तिमा भनिएको छ ।
कम्पनीका अनुसार गत डिसेम्बर ३१ सम्म बोइङको कुल कार्यबल १ लाख ५६ हजार कर्मचारीको थियो ।
