काठमाडौं । सेयर बजारमा लगातार गिरावट आएको छ । आइतबारदेखि ओरालो लागेको नेप्सेले लगातार तेस्रो दिन सोही लय कायम राखेको हो । तीन दिनमा नेप्से ७० अंकले घटेको छ ।
मंगलबार नेप्से १५.७० अंकले घटेर २१११.६८ विन्दुमा आइपुगेको छ । यसदिन २५९ कम्पनीको २ अर्ब ८२ करोड रुपैयाँ बढीको ७५ लाख ५३ हजार २३५ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये हाइड्रोपावर बाहेक हरु सबै उपसमूहको परिसूचक घटेको छ । लगानी समूह सबैभन्दा धेरै १.३१ प्रतिशतले घटेको छ ।
आज रिडी पावरको सर्वाधिक कारोबार भएको छ । यसको १९ करोड रुपैयाँ बढीको सेयर किनबेच भएको छ । त्यस्तै, लुम्बिनी जनरल इन्स्योरेन्स १४ करोड र गुराँस लाइफ इन्स्योरेन्स साढे ७ करोड बढीको कारोबार हुँदै शीर्ष तीनमा रहे ।
घट्दो बजारमा पनि आज आदर्श लघुवित्तको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।
आज प्राइम लाइफ इन्स्योरेन्सका सेयरधनीले सर्वाधिक ५.२१ प्रतिशत गुमाएका छन् । त्यसैगरी, गणपति लघुवित्त, सगरमाथा इन्स्योरेन्स, नेरुडे लघुवित्तका सेयरधनीले ४ प्रतिशतभन्दा धेरै गुमाएका छन् ।
