काठमाडौं । हिमालयन ऊर्जा विकास कम्पनीले २०० प्रतिशत हकप्रद सेयर निष्काशन गर्ने भएको छ ।
माघ १३ गते बसेको कम्पनीको सञ्चालक समितिको बैठकले हाल कायम चुक्ता पूँजीको २०० प्रतिशत अर्थात् १:२ अनुपातमा हकप्रद सेयर जारी गर्ने निर्णय गरेको हो ।
हकप्रद सेयर निष्काशनपछि प्राप्त हुने पूँजीमध्ये खर्च कटाइ बाँकी सबै रकम बैंकहरुबाट लिएको दीर्घकालीन ऋण तिर्ने कम्पनीले जनाएको छ ।
कम्पनीको उक्त हकप्रद प्रस्ताव विद्युत् नियमन आयोगबाट स्वीकृत र आगामी वार्षिक साधारण सभाले पारित गरेपछि प्रक्रिया अघि बढ्ने छ ।
