काठमाडौं । नेपाल स्टक एक्स्चेन्ज (नेप्से)मा दुई कम्पनीको सेयर सूचीकृत भएको छ । बिहीबार नेप्सेमा मर्जरपछि बनेको कुमारी बैंक र सानिमा जीआइसी इन्स्योरेन्सको सेयर सूचीकृत भएको हो ।
नेप्सेमा साविकको एनसीसी र कुमारी बैंक मर्ज हुँदा कायम भएको १:१ सेयर अनुपातका आधारमा कुमारी बैंकको नाममा २६ करोड २२ लाख ५८ हजार ६१३.५७ कित्ता सेयर सूचीकृत भएको छ ।
बैंकको सेयर कारोबारका लागि नेप्सेले १८९.५६ रुपैयाँ ओपन रेन्ज तोकेको छ । यही मूल्यमा अब बैंकको सेयर कारोबार खुल्नेछ ।
त्यसैगरी, साविकको सानिमा जनरल इन्स्योरेन्स र जनरल इन्स्योरेन्स मर्ज भई बनेको सानिमा जीआइसी इन्स्योरेन्सको २ करोड कित्ता सेयर सूचीकृत भएको छ ।
इन्स्योरेन्सको सेयर कारोबारका लागि नेप्सले SGIC संकेत चिह्न दिएको छ । कम्पनीको सेयर कारोबारका लागि नेप्सेले ३६७.५० रुपैयाँ ओपन रेन्ज तोकेको छ । यही मूल्यमा अब इन्स्योरेन्सको सेयर कारोबार खुल्नेछ ।
