काठमाडौं । आइएमई जनरल इन्स्योरेन्सले गत आर्थिक वर्ष २०७८/८९ को मुनाफाबाट घोषणा गरेको लाभांश संशोधन गरेको छ । नेपाल बीमा प्राधिकरणको निर्देशन अनुसार कम्पनी संचालक समितको पुस १७ गते बसेको बैंकले यसअघि घोषणा गरेको लाभांश परिमार्जन गरेको हो ।
कम्पनीले संशोधन गरेको लाभांश अनुसार बोनस र नगद दुवै घटेको छ । परिमार्जित लाभांश अनुसार अब कम्पनीले ६ प्रतिशत बोनस सेयर र कर प्रयोजनका लागि ०.३२ प्रतिशत नगद गरी कुल ६.३२ प्रतिशत लाभांश दिने भएको छ ।
यसअघि इन्स्योरेन्स संचालक समितिको मंसिर ५ गते बसेको बैठकले सेयरधनीलाई ६.५० प्रतिशत बोनस सेयर र करप्रयोजनका लागि ०.३४ प्रतिशत नगद गरी कुल ६.८४ प्रतिशत लाभांश दिने घोषणा गरेको थियो ।
प्रस्तावित लाभांश कम्पनीको आगामी साधारणसभाले पारित गरेपछि मात्र सेयरधनीहरुले पाउनेछन्।
