काठमाडौं । शतप्रतिशत हकप्रद सेयर जारी गर्न लागेको अपर तामाकोशी हाइड्रोपावर कम्पनीले रेटिङ सम्पन्न गराएको छ ।
हकप्रद सेयर जारी गर्न गराएको रेटिङमा कम्पनीलाई इक्रा नेपालले ‘इक्राएनपी आइआर बीबी असाइन्ड’ रेटिङ दिएको हो । उक्त रेटिङले कम्पनीको समयमा वित्तीय दायित्व पूरा गर्न सक्ने क्षमता मध्यम जोखिम रहेका जनाउँदछ ।
तामाकोशीले हाल कायम चुक्ता पूँजीको १०० प्रतिशत अर्थात् १:१ अनुपातमा हकप्रद निष्काशन गर्न लागेको छ । कम्पनीले प्रतिकित्ता १०० रुपैयाँ दरले १० अर्ब ५९ करोड रुपैयाँ बराबरको १० करोड ५९ लाख कित्ता सेयर जारी गर्ने भएको हो ।
कम्पनीले हकप्रद सेयर जारी गर्नका लागि नागरिक लगानी कोषलाई विक्री प्रबन्धक र सनराइज क्यापिटललाई विक्री सह–प्रबन्धकमा नियुक्त गरिसकेको छ ।
