काठमाडौं । सेयर बजारमा पहिरो गएको छ । गत साता ४३ अंकले घटेको नेप्से आज एकै दिन झन्डै ३२ अंकले घटेको हो ।
सोमबार नेप्से ३१.९७ अंकले घटेर १९८८५.३१ विन्दुमा आइपुगेको छ । यसदिन २५३ कम्पनीको १ अर्ब १० करोड रुपैयाँ बढीको ३५ लाख १२ हजार ८३४ कित्ता सेयर किनबेच भएको छ ।
आज कारोबारमा आएका १३ वटै उपसमूहको परिसूचक राताम्मे भएको छ । बैंकिङ समूह सबैभन्दा धेरै २.३० प्रतिशतले घटेको छ ।
आज शिवम् सिमेन्टको सर्वाधिक कारोबार भएको छ । यसको झन्डै ११ करोड रुपैयाँको सेयर किनबेच भएको छ । त्यस्तै, नबिल बैंकको साढे ७ करोड र हिमालयन डिस्ट्रीलरीको ५ करोड बढीको कारोबार हुँदै शीर्ष तीनमा रहे ।
आज ४ कम्पनीको सेयर मूल्यमा सर्किट ब्रेक लागेको छ । सीवाइसी लघुवित्त, समिट लघुवित्त र मैलुङ खोला जलविद्युत्को सेयर मूल्यमा पोजेटिभ सर्किट लागेको छ । यी कम्पनीका सेयरधनीले १० प्रतिशत कमाएका छन् ।
घट्दो बजारमा आज नाडेप लघुवित्तको सेयर मूल्यमा भने नेगेटिभ सर्किट लागेको छ । यसका सेयरधनीले ठ्याक्कै १० प्रतिशत गुमाएका छन् ।
