काठमाडौं । सोमबार पनि सेयर बजारमा गिरावट आएको छ । आज नेप्से परिसूचक २.६१ अंकले घटेर १८५८.३३ को बिन्दुमा झरेको हो । यसदिन २१९ कम्पनीको १६ लाख ३१ हजार ३४९ कित्ता सेयर ५१ करोड ५८ लाख १८ हजार ९९० रुपैयाँमा खरिदबिक्री भएको नेप्सेले जनाएको छ ।
कारोबारमा आएका १३ उपसमूहमध्ये ६ समूहको मूल्य बढेको छ भने ७ उपसमूहको सेयर मूल्य घटेको छ । यसदिन सबैभन्दा धेरै फाइनान्स समूहको सेयर मूल्य १.१ प्रतिशतले घटेको छ भने होटल र पर्यटन समूहका लगानीकर्ताले ०.४१ प्रतिशतले कमाएका छन् ।
यसदिन सबैभन्दा धेरै नबिल बैंकको २ करोड ७९ लाख १९ हजार रुपैयाँ बढीको सेयर कारोबार भएको छ । यसैगरी, प्रभु, रिडी पावर कम्पनीको २ करोड रुपैयाँ बढीको सेयर कारोबार भएको छ ।
घटेको बजारमा दुइ कम्पनीको सेयर मूल्यमा सकारात्मक सर्किट लागेको छ । यसदिन अभियान लघुवित्त वित्तीय संस्था र सयपत्री हाइड्रोपावरका लगानीकर्ताले ९ प्रतिशत बढीले कमाएका हुन् ।
आज सबैभन्दा धेरे गुमाउनेमा पिपुल्स पावर कम्पनीका लगानीकर्ता रहेका छन् । यस कम्पनीको सेयर मूल्य सोमबार ९.९७ प्रतिशतले घटेको छ ।
