काठमाडौं । सेयर बजारमा उछाल आएको छ । दशैं बिदाका कारण लगातार ९ दिन बन्द भएर खुलेको सेयर बजारमा आज उच्च अंकको बढोत्तरी आएको हो ।
यस साताको पहिलो कारोबार दिन आइतबार नेप्से परिसूचक ४४.६२ अंकले बढेर १८९८.३८ विन्दुमा पुगेको छ ।यसदिन कारोबारमा आएका २२४ कम्पनीको २२५ लाख ३३ हजार ३९३ कित्ता सेयर खरिद विक्री भएको नेप्सेले जनाएको छ ।
आज ८३ करोड ६८ लाख ७३ हजार १४० रकम बराबरको सेयर कारोबार भएको छ यसदिन कारोबारमा आएका १३ वटै उपसमूहमा हरियाली छाएको छ । सबैभन्दा धेरे मूल्य बढ्नेमा फाइनान्स समूह रहेको छ । यस समूहको ४.६९ प्रतिशत बढीले सेयर मूल्य बढेको हो ।
विकास बैंक समूहको ४.५,हाइड्र्रोपावर,अन्य, मेनुफ्याक्चरीङको २ प्रतिशत बढीले सेयर मूल्य बढेको छ । आज सबैभन्दा धेरै कारोबार हुनेमा हिमालयन एभरेष्ट इन्स्योरेन्स कम्पनी रहेको छ ।
यस कम्पनीको २२ करोड ६९ लाख ८१ हजार ७४४ रुपैयाँ बराबरको सेयर किनबेच भएको छ । नबिल बैंकको ३ कररोड ५१ लाख,हिमालय डिष्ट्रिलरीको २ करोड रुपैयाँ बढीको सेयर कारोबार हँदै शीर्ष स्थानमा रहे ।
दोहोरो अंकले बढेको बजारमा दुई कम्पनीको सेयर मूल्यमा सकारात्मक सर्किट लागेको छ । यसदिन सप्तकोसी डेभलपमेन्ट र उपकार लघुवित्त वित्तीय संस्थाका लगानीकर्ताले ९ प्रतिशत बढीले कमाएका छन् ।
गुहेश्वरी मर्चेन्ट बैंकको र मितेरी विकास बैंकको सेयर मूल्य ८ प्रतिशत बढीले बढेको छ । यसैगरी,एक्सेल विकास बैंक,कर्णाली डेभलपमेन्ट बैंक,पन्चकन्या माइ हाइड्रोपावर र गोर्खाज फाइनान्सका लगानीकर्ताले ७ प्रतिशत बढीले कमाएका छन् ।
यसदिन सबैभन्दा धेरै गुमाउनेमा ग्लोबल आइएमई ब्यालेन्स फन्डका लगानीकर्ता रहेका छन् । यस कम्पनीका लगानीकर्ताले ४.४८ प्रतिशतले गुमाएका छन् ।
