काठमाडौं । सेयर बजारमा दोहोरो अंकको कमब्याक भएको छ । गत बिहीबारदेखि लगातार दोहोरो अंकले घटेको नेप्से १४४ अंकको गिरावट पछि दोहोरो अंकले कमब्याक गरेको हो ।
सूचकमा सुधार आए पनि कारोबार रकममा भने भारी गिरावट आएको छ । अघिल्लो दिनको तुलनामा कारोबार रकम ५० करोडले घटेर जम्मा ७२ करोडमा सीमित भएको छ ।
बुधबार नेप्से परिसूचक ११.२२ अंकले बढेर १८४८.८२ बिन्दुमा पुगेको छ । यसदिन २२६ कम्पनीको ७२ करोड १२ लाख ५९ हजार ८८५ रुपैयाँ बराबरको २५ लाख ३१ हजार ३७० कित्ता सेयर किनबेच भएको छ ।
आज कारोबारमा आएका १३ वा उपसमूहमध्ये सामूहिक लगानी कोष बाहेक बाँकी सबै उपसमूहको परिसूचक बढेको छ । फाइनान्स समूह सबैभन्दा धेरै १.७९ प्रतिशतले बढेको छ ।
आज नबिल बैंकको सर्वाधिक सर्वाधिक कारोबार भएको छ । यसको सवा ३ करोड बढीको सेयर किनबेच भएको छ ।
आज सामलिङ पावर कम्पनीको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।
त्यसैगरी, समिट लघुवित्त ५.७३, मैलुङ खोला, गणपति लघुवित्त, लिबर्टी इनर्जी, सप्तकोशी डेभलपमेन्ट बैंक, अपर सोलु हाइड्रो, मल्टीपर्पस फाइनान्स, कालिका पावर र सिनर्जी डेभलपमेन्ट बैंकको सेयर मूल्य ३ प्रतिशतभन्दा धेरैले बढेको छ ।
