काठमाडौं । दशैं नजिकिएसँगै डिजिटल वालेटहरूले भुक्तानीमा विभिन्न स्कीम ल्याउन थालेका छन् । वालेट कम्पनीहरूले आफ्नो व्यवसायिक दायरा विस्तार गर्न तथा ग्रहाकहरूको आकर्षणका लागि छुट अफर ल्याएका हुन् ।
डिजिटल कारोबारले फड्को मारिरहेको अवस्थामा मोबाइल वालेटमार्फत भुक्तानी बढाउन क्यास ब्याकको स्कीम ल्याइरहेका कम्पनीहरूले दशैंको अवसरमा भने कारोबारमा केही न केही सुविधा दिइरहेका छन् ।
पछिल्लो समय डिजिटल वालेटको विकासले आर्थिक कारोबार सहज मात्र बनाएको छैन् नगद रहित बैंकिङको पनि अभ्यास गरिरहेको छ । दैनिक जसो नयाँ फिचर सहित वालेटहरू थपिनेक्रम बढ्दो छ भने त्यसले ग्राहाकलाई कारोबारमा आकर्षर्ण गर्ने प्रतिस्पर्धा पनि चलिरहेको छ । प्रत्यक्षरुपमा वालेटहरूको आम्दानी नदेखिए पनि प्रयोगकर्ताहरूले गर्ने कारोबारमा भने पैसा फिर्ता दिइरहेको पाइन्छ ।
नेपाल राष्ट्र बैंकबाट ३ दर्जन बढी वालेटहरूले कारोबार अनुमति पाएका छन् भने त्यत्ति नै अनुमति माग्ने क्रममा छन् । दशैं–तिहार जस्ता विशेष चााडवार्डको समयमा मानिसहरूले किनमेल बढी गर्ने भएकाले कारोबार पनि सोही अनुसार बढ्छ ।
जसको कारण वालेटहरूले यस धारणलाई लक्षित गरी प्रयोग बढाउने विशेष अफर ल्याएर डिजिटल माध्यम मार्फतको कारोबारलाई बढ्वा दिइरहेको पाउन सकिन्छ । कारोबारमा रहेका थुप्रै वालेटहरूले विभिन्न अफरहरू ल्याएका छन् । ती मध्ये धेरै प्रयोग गरिने वालेटहरूका अफर यहाँ देख्न सकिन्छ ।
ईसेवा : नेपालको अग्रेणी डिजिटल वालेटको रुपमा रहेको ईसेवाले ग्राहाकहरूका लागि विभिन्न अफर ल्याएको छ । यस वालेटले क्यासब्याकदेखि कारोबारमा छुटसम्मको अफर ल्याएको जनाएको छ ।
कम्पनीले वालेट मार्फत इन्टरनेटको बिल तिर्दा ५ प्रतिशतसम्म रकम फिर्ता हुने स्कीम ल्याएको छ । यसैगरी, वालेटबाट बैंक खातामा रकम पठाउँदा कुनै शुल्क नलाग्ने जनाएको छ । यस वालेटले राइडसेयरीङ शुल्कमा पनि ५०० सम्मको कारोबार गर्दा हरेकदिन १०० जनालाई १०० रुपैयाँका दरले रकम फिर्ता गर्ने व्यवस्था गरेको छ ।
भोजको पैसा तिर्दा १५०० सम्मको कारोबारमा ३०० सम्म छुटको स्कीम ल्याएको छ । बसको होस् वा एयरलाइन्स कम्पनीको वालेट मार्फत टिकट काटेर भुक्तानी गर्दा पैसा फिर्ता र घुम्ने अफरको समेत ईसेवाले व्यवस्था गरेको जनाएको छ ।
खल्ती : शपिङ गर्दा खल्ती वालेटबाट पहिलो पटक फन पे क्यूआर स्क्यान गरेर भुक्तानी गर्दा १० प्रतिशतसम्म क्यासब्याकको अफर ल्याएको छ । वालेटले खानेपानी, बिजुली,पठाओ तथा एयरलाइन्स कम्पनीको रकम भुक्तानी गर्दा रकम फिर्ताको व्यवस्था गरेको छ । खल्तीबाट टपअप गर्दा २० प्रतिशतसम्म रकम फिर्ता, बसको टिकट काट्दा २ जनालाई स्मार्ट फोन जित्ने मौका रहेको वालेट कम्पनीले जनाएको छ ।
आइएमई पे : यस वालेटले दशैंमा दराज अनलाइन मार्फत शपिङ गरेर रकम भुक्तानी गर्ने ग्रहाकहरूका लागि २ तोला सुन जित्ने स्कीम ल्याएको छ । यसैगरी, १ वर्षसम्म डिष्होम फाइबार नेट निशुल्क, सामसुङ स्मार्ट फोन,गोल्डस्टार जुत्ताको शपिङ गर्दा ग्रहाकले बम्पर उपहारमा स्कुटर प्राप्त गर्न सक्नेछन् ।
दराज अनलाइन मार्फत गरेको शपिङको भुक्तानीमा प्रतिहजार कारोबारमा १५ प्रतिशतसम्म छुट को व्यवस्था गरेको छ । यो अफर असोज १० गतेसम्म मात्र रहेको कम्पनीले जनाएको छ । यसैगरी, वालेटले विभिन्न बिल भुक्तानी र एयरलाइन्स कम्पनीको टिकट काट्नुका साथै रेमिट्यान्समा समेत क्यासब्याकको अफर दिइरहेको छ ।
नमस्ते पे : यस वालेटले ग्राहाकहरूका लागि भुक्तानीमा बम्पर उपहारदेखि क्यासब्याकसम्म अफर ल्याएको छ । वालेटले बम्पर उपहार अन्तर्गत रकम भुक्तानीमा १०० जनालाई सतप्रशित रकम फिर्ताको स्कीम रहेको जनाएको छ । रिचार्जमा १० प्रतिशतसम्म रकम फिर्ता,हरेक हप्ता युटिलिटी भुक्तानी अन्तर्गत १ जनालाई १२ महिनाको बिल भुक्तानी,दक्षिणामा २० जनालाई सतप्रतिशत रकम फिर्ता, हरेक हप्ता १ जनालाई एक हजार रकम फिर्ता र हवाई टिकटमा २ जनालाई पोखराको राउन्ड टिकटको व्यवस्था गरेको छ ।
माइ पे : यस वालेटले भुक्तानीमा १० रुपैयाँसम्म रकम फिर्ता गर्ने अफर ल्याएको छ । एयरलाइन्स कम्पनीको टिकट बुकिङमा १६ प्रतिशतसम्म नगद फिर्ताको व्यवस्था गरेको कम्पनीले जनाएको छ ।
प्रभु पे : यस वालेटले विभिन्न भुक्तानीमा क्यासब्याकको अफर ल्याएको छ । आफ्नो व्यवसाय विस्तारका लागि एयरलाइन्स,केबलकार,बसको टिकट तथा बत्तिको बिल, भुक्तनी, शपिङ गायतका कारोबारमा सहुलियतको व्यवस्था गरेको जनाएको छ ।
