काठमाडौं । वाणिज्य बैंकहरुले ग्राहकको सुविधालाई मध्येनजर गर्दै बडा दशैं २०७६ को सार्वजनिक विदाका दिनहरुमा पनि बैकिङ्ग सेवा प्रदान गर्ने भएका छन् । बैंकहरुले देशभरका आफ्ना विभिन्न शाखाहरु मार्फत् सेवा प्रदान गर्ने भएका हुन् ।
अधिकांश बैंकहरुले दशैंका विदाका दिनहरु फुलपाति, अष्टमी, नवमी र एकादशीका दिनमा कार्यालय खोल्ने जनाएका छन् भने केहीले दशैंको टिकाको दिनमा समेत सेवा प्रदान गर्ने जनाएका छन् । बैंकहरुले ३६५ दिने बैंकिङ सेवा प्रवाह गर्ने योजनाअन्तर्गत बैंकका शाखा खोल्ने जनाएका छन् ।
विदाका दिनमा बैंकहरुले खोल्ने शाखाहरुबाट नगद जम्मा गर्नेरझिक्ने र चेक सटहीको सेवा प्रदान गर्नेछन् । विदाका दिनमा खुल्ने वाणिज्य बैंक र तिनका शाखाहरु निम्न रहेका छन् ।
प्रभु बैंक
बैंकले दशैं विदाको समयमा काठमाडौं उत्पत्यका भित्र ९ वटा र उपत्यका बाहिरका १५ वटासहित २४ वटा शाखा कार्यालय ११ बजेदेखि दिउँसो २ बजेसम्म खुल्ने बैंकले जनाएको छ ।
बैंकको अनुसार उपत्यका भित्रका मुख्य कार्यालय बबरमहल, कमलादी, जावलाखेल, गंगबु चोक, खिचापोखरी न्यूरोड, सूर्यविनायक, कोटेश्वर भाटभटेनि, कालीमाटी र बौद्धमा रहेका शाखा कार्यालय सञ्चालनमा आउने भएका छन् ।
यस्तै, उपत्यका बाहिर जनकपुर, इटहरी, नारायणगढ, दमक, धरान, सिरहा, बुटवल, भैरहवा, न्यूरोड पोखरा, नेपालगञ्ज, कलैया, विरगञ्ज, विराटनगर, बाग्लुङ र धनगढी रहेका छन् ।
एनएमबी बैंक
दशैं विदाको समयमा पनि उपत्यका भित्र र बाहिरका गरी ५ वटा शाखा कार्यालय विहान ११ बजेदेखि दिउँसो २ बजेसम्म खुल्ने बैंकले जनाएको छ ।
बैंकको अनुसार उपत्यका भित्रका कान्तिपथ र उपत्यका बाहिरका चिप्लेढुंगा ९पोखरा०, विराटनगर, फिदिम र ट्राफिकचोक ९बुटवल० शाखा कार्यालय खुल्ने बैंकले जनाएको छ ।
विदाका दिनमा खुलेका बैंकहरुमा निक्षेप जम्मा गर्न, दैनिक बढीमा २ लाख रुपैयाँसम्म चेक भुक्तानी गर्न सकिने बैंकले जनाएको छ ।
माछापुच्छ्रे बैंक
बैंकको अनुसार उपत्यका भित्रका लाजिम्पाट, पुतलीसडक, न्यूरोड, भक्तपुर र पाटन शाखा कार्यालय खुल्ने छन् । यस्तै, उपत्यका बाहिरका बुटवल, बनेपा, दमौली, महेन्द्रपुल, नेपालगंज, भैरहवा, विराटनगर, राजविराज, बगर, वीरगंज, बिर्तामोड, नेपालगंज, धनगढी, जनकपुर, लेकसाइड, बर्दिबास, मिर्चैया र इटहरी शाखा खुल्ने बैंकले जनाएको छ ।
ग्लोबल आइएमई बैंक
बैंकले दशैं विदाको समयमा पनि काठमाडौं उत्पत्यका भित्र ४ वटा शाखा, र उपत्यका बाहिरका ६ वटासहित १० वटा शाखा कार्यालय खुल्ने बैंकले जनाएको छ ।
बैंकले काठमाडौँ उपत्यकाभित्रका कान्तिपथ, न्यूरोड, लगनखेल, चाबहिल र उपत्यका बाहिरका बाग्लुङ, नारायणगढ, बुटवल, पोखरा, विराटनगर र वीरगंज शाखा खुल्ला रहने जनाएको छ ।
३६५ दिन बैंकिङ सेवा प्रवाह गर्ने योजनाअन्तर्गत बैंकले बडादशैंको दिन अर्थात असोज २१ गते भने काठमाडौंको कान्तिपथ शाखा विहान १ बजेदेखि अपराह्न ४ बजेसम्म खुल्ने जनाएको छ ।
लक्ष्मी बैंक
विदाको समयमा काठमाडौं उपत्यका भित्रका ३ वटा र उपत्यका बाहिरका १२ वटासहित १५ वटा शाखा कार्यालय विहान १० बजेदेखि दिउँसो १ बजेसम्म खुल्ने बैंकले जनाएको छ ।
बैंकको अनुसार उपत्यका भित्रका मुख्य कार्यालय हात्तिसारसहित पुल्चोक र लगनखेल शाखा कार्यालय खुल्ने छन् ।यस्तै, उपत्यका बाहिरका पोखरा, विराटनगर, वीरगंज, भैरहवा, बुटवल, नारायणगढ, जनकपुर, नेपालगंज, तौलीहवा, धरान, बिर्तामोड र , इटहरी शाखा खुल्ने बैंकले जनाएको छ ।
सेञ्चुरी कर्मसियल बैंक
विदाको समयमा काठमाडौं उपत्यका भित्रका ३ वटा र उपत्यका बाहिरका ११ वटासहित १४ वटा शाखा कार्यालय खुल्ने बैंकले जनाएको छ ।
बैंकको अनुसार उपत्यका भित्रका मुख्य कार्यालय पुतलीसडक, न्यूरोड र मानभवन शाखा कार्यालय खुल्ने जनाएको छ । यस्तै, उपत्यका बाहिरका पोखरा, विराटनगर, , इटहरी, विर्तामोड, वीरगंज, जनकपुर, भैरहवा, मलंगवा, राजविराज, टिकापुर र धनगढी शाखा खुल्नेछन् ।
सिटिजन्स बैंक इन्टरनेशनल
बैंकले विदाको समयमा काठमाडौं उत्पत्यका भित्र ६ वटा शाखा, र उपत्यका बाहिरका ५ वटासहित ११ वटा शाखा कार्यालय ११ बजेदेखि दिउँसो २ बजेसम्म खुल्ने बैंकले जनाएको छ ।
बैंकले असोज १८, १९, २० र २२ गते काठमाडौँ उपत्यकाभित्रका दरबारमार्ग, न्युरोड, कुमारीपाटी, कोटेश्वर, कलंकी, भैंसेपाटी र उपत्यका बाहिरका विराटनगर, वीरगंज, जनकपुर, नारायणघाट र पोखरा शाखाबाट नगद काउन्टर सेवा उपलब्ध गराउने भएको हो ।
३६५ दिन बैंकिङ सेवा प्रवाह गर्ने योजनाअन्तर्गत बैंकले बडादसैंको दिन अर्थात असोज २१ गते काठमाडौं उपत्यका भित्रका दरबारमार्ग र कुमारीपाटी शाखाबाट नगद काउन्टर सेवा प्रवाह गर्नेछ ।
सनराइज बैंक
बैंकले विदाको समयमा काठमाडौं उत्पत्यका भित्र ४ वटा शाखा, र उपत्यका बाहिरका १० वटासहित १४ वटा शाखा कार्यालय १० बजेदेखि १२ बजेसम्म खुल्ने बैंकले जनाएको छ ।
बैंकको अनुसार उपत्यका भित्रका मुख्य कार्यालय गैह्रीधारा, गावाहल, न्यूरोड र भक्तपुर शाखा कार्यालय सञ्चालनमा आउने भएका छन् ।
यस्तै, उपत्यका बाहिर वीरगंज, गाईघाट, विराटनगर, पोखरा, नारायणगढ, राजविराज, गौर, धनगढी, महेन्द्रनगर र नेपालगंज शाखा खुल्ला रहनेछन् ।असोज २१ गते दशैंको टिकाको दिन भने गैह्रिधारा र गावाहल शाखा मात्र खुल्ने बैंकले जनाएको छ ।
एनआसी एशिया बैंक
एनआइसी एशिया बैंकले दशैं विदामा काठमाण्डौ भित्रका ११ वटा र बाहिरका २९ वटा गरी कुल ३९ वटा शाखा कार्यालय खुल्ने भएको छ। बैंकको शाखा कार्यालयहरु हरेक दिन ३ घण्टा खुल्ला रहनेछन्।
ग्राहकहरुले विदामा खुलेका शाखा कार्यालय मार्फत नगद जम्मा, चेक भुक्तानी तथा विदा पश्चात गर्नुपर्ने कुनै बैंकिङ्ग कार्यको लागि आवेदन समेत गर्न सक्ने बैंकले जनाएको छ ।
नबिल बैंक
नबिल बैंकले विदाको समयमा पनि उपत्यका भित्रका ५ वटा र उपत्यका बाहिरका १० वटा गरी १५ वटा शाखा कार्यालय खुल्ने बैंकले जनाएको छ ।
बैंकको अनुसार उपत्यका भित्रका तिनधारा, ललितपुर, महाराजगंज, बालाजु, त्रिपुरेश्वर र न्यूरोड शाखा कार्यालय खुल्नेछन् ।यस्तै, उपत्यका बाहिरका हेटौंडा, पोखरा, इटहरी, धनगढी, धरान, बुटवल, नेपालगंज, वीरगंज, नारायणगढ र विराटनगर शाखा खुल्ने बैंकले जनाएको छ ।
राष्ट्रिय वाणिज्य बैंक
राष्ट्रिय वाणिज्य बैंकले दशैं विदामा काठमाण्डौं उपत्यकाभित्र ६ वटा र उपत्यका बाहिर १६ वटा शाखा गरी २२ वटा शाखा कार्यालयहरु खोल्ने भएको छ।
दशैंको टिकाको दिन बाहेक बैंकको शाखा कार्यालयहरु बिहान १० बजेदेखि १ बजेसम्म ४ दिन खुल्नेछन्। बैंकका शाखाहरु चार दिन अर्थात असोज १८, १९, २० र २२ गते खुल्ला रहने बैंकले जनाएको छ। बानेश्वर र महेन्द्रपुल शाखा विजया दशमीको दिन पनि खुल्ला रहने बैंकले जनाएको छ।
