काठमाडौं । आशा लघुवित्त वित्तीय संस्थाले असोज ४ गतेदेखि ३ लाख कित्ता संस्थापक समूहको (प्रमोटर) सेयर लिलामीमा ल्याउने भएको छ ।
लिलामी सेयरमा विद्यमान संस्थापक सेयरधनीसहित अन्य इच्छुक व्यक्ति, फर्म कम्पनी तथा संगठित संस्थाहरुले आवेदन दिन सक्नेछन् ।
यसअघि साविकका संस्थापकहरूबाट आवेदन नपरेपछि लघुवित्तले सर्वसाधारणले समेत आवेदन दिन पाउने गरी सेयर लिलामी गर्न लागेको हो ।
लघुवित्तको सेयर किन्न इच्छुक लगानीकर्ताले न्यूनतम मूल्य प्रतिकित्ता ३९५ रुपैयाँ नघटाई आफूले लिन चाहेको सेयर संख्य मूल्य तोकी गोप्य शिलबन्दी मार्फत आवेदन दिनु पर्नेछ ।
कम्पनीको लिलामी सेयरमा असोज १२ गतेसम्म शिलबन्दी बोलपत्र पेश गर्न सकिनेछ । आवेदकले न्यूनतम १० हजार कित्तादेखि अधिकतम अधिकतम सबै कित्ताका लागि आवेदन दिन सक्नेछन् ।
लगानीकर्ताले प्रभु क्यापिटल लिमिटेड, कमलादी, काठमाडौंमा पुग्नेगरी गोप्य शिलबन्दी आवेदन बुझाउनुपर्नेछ ।
