काठमाडौं । सेयर बजारमा लगातार दोहोरो गिरावट आएको छ । आइतबार ११ अंकले घटेको नेप्से आज सोभन्दा धेरै अंकले घटेको हो । पछिल्ला दुई कारोबार दिनमै नेप्से २५ अंकले घटेको छ ।
सोमबार नेप्से परिसूचक १३.५९ अंकले घटेर १९१२.६९ विन्दुमा आइपुगेको छ । यसदिन २२५ कम्पनीको ८३ करोड १६ लाख रुपैयाँ बढीको सेयर कारोबार भएको छ ।
कारोबारमा आएका १३ उपसमूह मध्ये म्युचुअल फण्ड बाहेक बाँकी सबैको परिसूचक राताम्मे भएको छ । अन्य समूहको परिसूचक सबैभन्दा धेरै १.७० प्रतिशतले घटेको छ ।
आज नबिल बैंकको सर्वाधिक कारोबार भएको छ । यसको ४ करोड बढीको सेयर किनबेच भएको छ । त्यस्तै, रिडी पावरको पौने ३ करोड र हिमालयन डिस्ट्रीलरी साढे २ करोडको कारोबार हुँदै शीर्ष तीनमा रहे ।
घट्दो बजारमा आज नेपाल इन्भेष्टमेन्ट बैंकको डिबेन्चरधनीले सर्वाधिक ९.५८ प्रतिशत गुमाएका छन् । त्यसैगरी, सामुदायिक लघुवित्त ५.८७, अपर हेवाखोला ४.१५, दोर्दीखोला ४.१४, माउन्टेन इनर्जी, शिवश्री हाइड्रोपावर र नेपाल पुनर्बीमा कम्पनीको सेयर मूल्य साढे ३ प्रतिशतले घटेको छ ।
