काठमाडौं । चालु आर्थिक वर्षको पहिलो महिना (साउन)मा ८ वटा हाइड्रोपावर कम्पनीले आयोजना निमार्णका लागि अनुमति मागेका छन् ।
२५०.३७४ मेगावाट विद्युत उत्पादन क्षमता भएका सात आयोजनाले विद्युत विकास विभागमा निमार्ण अनुमतिका लागि आवेदन दिएका छन् भने एक हाइड्रोपावर कम्पनीले निमार्णको अनुमति पाएको हो ।
विभागका अनुसार घुन्सा खोला जलविद्युत आयोजनाले साउन ८ मा निमार्णको अनुमति पाएको छ । रेमिट हाइड्रोपावर कम्पनीले सो आयोजना ताप्लेजुङको लेलेपमा निमार्ण गर्ने भएको हो । यस आयोजनाको विद्युत उत्पादन क्षमता ७७.५ मेगावाट रहेको विभागले जनाएको छ ।
यसैगरी,पालुुङ खोलामा हाइड्रोपावरले निर्माण अनुमतिका लागि विभागमा आवेदन दिएको छ । २१ मेघावाटको सो आयोजना ताप्लेजुङको पालुुङ खोलामा निर्माण हुन लागेको हो ।
कास्कीको घान्द्रुकमा साढे ४ मेगावाट क्षमताको छोमरोम खोला जलविद्युत आयोजना, ३८.१६ मेगावाटको कालिका कालिगण्डकी जलविद्युत आयोजना, ३१.९२ मेगावाटको अपर मेवाखोला,४.१ मेगावाटको पिखुवा पशुपति,२४.८ मेगावाटको लुज खोला र ४८ मेगावाटको छुजुङ खोला लविद्युत आयोजनाले निर्माण अनुमतिका लागि विभागमा आवेदन दिएका छन् ।
पछिल्लो समय साना तथा ठूला जलविद्युत आयोजनाहरु निमार्णको लहर नै चलेको छ । तत्काल प्रतिफल नआएपनि एक पटक निर्माण गरिसकेपछि वर्षैंसम्म प्रतिफल दिइरहने भएकाले जलविद्युत आयोजनामा लगानी आकर्षित बढ्दो छ ।
३ अयोजनाले पाए सर्वेक्षण अनुमति
जलविद्युत आयोजना सर्वोक्षणका लागि ३ आयोजनाले विद्युत् विकास विभागबाट अनुमति पाएका छन् भने २ आयोजनाले सर्वेक्षणका लागि अनुमति दिएका छन् ।
विद्युत विकास विभागका अनुसार गत साउनमा १२० मेघावाट विद्युत उत्पादन क्षमताका आयोजनाहरुले सर्वेक्षणका लागि अनुमति मागेका हुन् । ३०.२ मेगावाटको लोयर उत्तरगंगा खोला हाइड्र्रोपावर कम्पनी र ९० मेगावाटको मस्याङदी रिभर आयोजनाले सर्वेक्षण अनुमतिका लागि विभागमा आवेदन दिएका छन् ।
यसैगरी, संखुवासभाको माथिल्लो माया खोला जलविद्युत आयोजनाले सर्वेक्षणको अनुमति पाएको छ । यस हाइड्रोपावरको विद्युत उत्पादन क्षमता ५ मेगावाट रहेको छ ।
यस्तै, २२ मेगावाटको लुङग्र्री जलविद्युत आयोजना र २ मेगावाटको चेखोला हाइड्रोपावर कम्पनीलाई सर्वेक्षणको अनुमति दिएको विभागले जनाएको छ ।
