काठमाडौं । सृजनशील लघुवित्त वित्तीय संस्थाले प्राथमिक साधरण सेयर (आइपीओ) निष्काशन गर्न अनुमति पाएको छ । नेपाल धितोपत्र बोर्डले बुधबार लघुवित्तलाई आइपीओ जारी गर्न अनुमति दिएको हो ।
लघुवित्तले प्रतिकित्ता १०० रुपैयाँ दरले ३ करोड ९३ लाख ७५ हजार रुपैयाँ बराबरको ३ लाख ९३ हजार ७५० कित्ता आइपीओ निष्काशन गर्न अनुमति पाएको हो ।
लघुवित्तले जारी पूँजीको ३६ प्रतिशत बराबर प्राथमिक सेयर जारी गर्न वैशाख २२ गते बोर्डमा आवेदन दिएको थियो।हाल ७ करोड चुक्ता पूँजी रहेको लघुवित्तको आइपीओ निष्काशनपछि १० करोड ९३ लाख ७५ हजार रुपैयाँ पुग्नेछ।
आइपीओ जारी गर्न लघुवित्तले यस अघि नै सनराइज क्यापिटललाई विक्री प्रबन्धक नियुक्त गरेको छ।
